كل سنه و إنتوا طيبين تاني مره

السلام عليكم
كل سنه و إنتوا طيبين تاني مره،،،

بقوللكم يا ناس كل سنه و إنتوا طيبين ، أصلي بصراحه فاضي موش لاقي حاجه أعملها.....
طبعا المفروض إننا في العيد و المفروض إن الاهل و الاقارب بقه بيزرونا و إحنا بنزرهم و إن الواحد موش فاضي خالص بس ده مبيحصلش، معرفش ليه !!!

موش عارف ، هل كل الناس برضه كده محدش بيعيِد عليهم ، كل الناس مشغوله لدرجة إنهم نسيوا إن ليهم اهل لازم يزروهم ، ولا أنا بس كده !!

مكدبش عليكوا، أنا طول عمري يوم العيد ده بالنسبالي يوم عادي خالص جدا، من ساعة مكبرت و مبقتش أروح العيد و أنا أحيانا مبحسش بيه أصلا .
لا أهل بيزرونا و لا أي حاجه .
ممكن ألاقي واحد ناصح دلوقتي بيقولي طب مإنتوا تروحوا تزروهم ، هقولوا إحنا وضعنا مختلف ، أنا أبويا ميت من زمااان جدا ، و يوم العيد مين اللي يزور مين ، ولاد الاخ اللي هما لسه عيال صغيره يزوروا عمهم ولا عمعم اللي يزرهم ؟

المهم هو ده حالي، وهي دي حياتي وأنا بصراحه إتعود عليها لدرجة إني بقيت سعيد بيها جدا.
الحمد لله

بس أعتقد إن الناس موش زينا كده، العيد ده الناس كلها بتزرو بعض و بتهني بعض و كده يعني. يعني الواحد مبيبقاش فاضي خالص.

و كل سنه و إنتوا طيبين و بعودا الايام.

دي صورة سطح المكتب بتاعي ، انا عارف إنها موش حلوه بس حابب أشاركمها
،،