14 December 2007

الجيش المصري، عوده مره أخري 1

السلام عليكم
يشغلني طول الوقت ، أقضي جل و كل وقتي به، يجتاح حياتي، يتعلق به ذهني حتي و أنا في أيام أجازاتي، حقا إنه الجيش المصري .....
و زي منوا عارفين أنا دلوقتي بقضي الخدمه العسكريه في الجيش المصري، الخدمه اللي هتستمر سنه، إن شاء الله، وأنا دلوقتي بقضي أول أجازه شهريه و هحاول إن شاء الله أكتب 12 موضوع طول السنه دي بعدد أجازاتي الشهريه الي بتستمر لمدة أسبوع بعد كل شهر.

طبعا إنتوا عارفين إن حاجه حلوه لما الواحد يخدم و طنه، يعني لو إحنا مخدمناش الوطن هيجيبوا ناس من بره يخدمه و الحمد لله أنا جيشي ف العباسيه، أهوا الواحد بينزل كل شهر بتاع إسبوع بس الحمد لله رب العالمن أحسن من غيرنا، غيرنا مرمي في الجيش التاني ولا التالت ولا السلوم ولا حتي حلايب وشلاتين، الحمد لله.

طبعا هنسي حاجه إسمها برمجه في السنه دي لغاية مخلص جيش و ربنا يستر و الواحد مينسهاش خالص،
وزي منتوا شايفين العنوان إسمه، الجيش المصري عوده مره أخري 1، الواحد ده هيتغير لحد ميكون 12 و بعدها أكون خلصت خدمه عسكريييييه.
بس و دمتم بخير

2 comments:

Ahmed Essawy said...

ترجعولنا بالسلامه يا رجاله مصر

Anonymous said...

ترجع بالسلامة و ربنا ييديها على خير أن شاء الله

بالتوفيق.